Friday, November 28, 2014

Հանրային քննարկումներ

Արթիկի քաղաքապետարանն իր ֆեյսբուքյան էջում գրել է, որ դեկտեմբերի 5-ին քաղաքապետարանում անցկացվելու են հանրային քննարկումներ:

Հ Ա Յ Տ Ա Ր Ա Ր Ո Ւ Թ Յ Ո Ւ ՆՀարգելի´ համաքաղաքացիներ,Ս.թ. դեկտեմբերի 5-ին, ժամը 12:00-ին Արթիկի քաղաքապետարանի նիստերի դահլիճում անցկացվում են հանրային քննարկումներ ք.Արթիկ, Սասունցի Դավիթ 21/2 հասցեում ԱԳԼՃ կայանի կառուցման նախագծային փաստաթղթերի, այդ թվում` և շրջակա միջավայրի վրա ազդեցության վերաբերյալ:Նախագծային փաստաթղթերին կարող եք ծանոթանալ ՀՀ բնապահպանության նախարարության պաշտոնական կայքում`www.mnp.am, կամ զանգահարելով հետևյալ հեռախոսահամարներով` 010 22 02 18, 010 22 14 85, 0244 5 53 23:
ԱՐԹԻԿԻ ՔԱՂԱՔԱՊԵՏԱՐԱՆ

Wednesday, November 26, 2014

Աշնան գույներով

Նոյեմբերի 24-ին Գյումրիում կայացել էր «Աշնան գույներով» խորագրով ստեղծագործական աշխատանքների ցուցահանդես, որին մասնակցում էր նաև Արթիկցի նկարչուհի Լիլիթ Տոնականյանը:








Saturday, November 15, 2014

ՀՀ-ի մշակութային լավագույն քաղաքային համայնքը Շիրակի մարզի Արթիկ քաղաքն է

«Հայաստանի Հանրապետության տոների և հիշատակի օրերի մասին» ՀՀ օրենքի համաձայն` նոյեմբերի 10-ը պաշտոնապես նշվում է որպես Տեղական ինքնակառավարման օր. այսօր անցկացվել է «Լավագույն համայնք-2014» մրցանակաբաշխությունը։

Ներկա են եղել ՀՀ տարածքային կառավարման նախարարի պաշտոնակատար Վաչե Տերտերյանը, Երևանի քաղաքապետ Տարոն Մարգարյանը, համայնքապետեր, ավագանու անդամներ, հասարակական կազմակերպությունների ներկայացուցիչներ:


Այս մասին հայտնում են ՏԿՆ հասարակայնության հետ կապերի բաժնից։

  
ՏԻՄ համակարգի կազմավորման և ընթացիկ տարում գրանցած էական ձեռքբերումների համար ՀՀ վարչապետի շնորհակալագրերով են պարգևատրվել Կապան, Ստեփանավան քաղաքային համայնքների և Ակունք գյուղական համայնքի ղեկավարները:

«Լավագույն համայնք-2014» մրցանակաբաշխության արդյունքներով` լավագույն քաղաքային համայնք է ճանաչվել Տավուշի մարզի Դիլիջան քաղաքը, լավագույն գյուղական համայնք՝ Շիրակի մարզի Ախուրյան համայնքը։

«Մաքուր համայնք» անվանակարգում մրցանակը շնորհվել է Գեղարքունիքի մարզի Գավառ քաղաքային համայնքին:

«Կանաչապատ համայնք» է ճանաչվել Արմավիրի մարզի Էջմիածին քաղաքային համայնքը,մշակութային լավագույն քաղաքային համայնք` Շիրակի մարզի Արթիկ քաղաքը: